Egg On The Face

讀 "The Reagan Persuasion"中，留意到到有一句，"...ransack their memories for incidents where they came up with egg on their face,"。 Egg on their face，此話何解？ 原來係idiom，係尷尬 embarassing 咁解。

單身男女

單身地去睇「單身男女」，結局女主角選擇古選擇吳，其實都不重要，我最想諗嘅係，其實係邊個最幸福。

能夠有兩個條件咁好嘅男士為選擇，你會認為高圓圓是最幸福的。 但諗深一層，佢鐘意嘅係古天樂，而從來未有講過自己鐘意吳彥祖，其實嚴格呢講，佢都唔係同自己鐘意嘅人一齊。

古天樂能夠搵到一個自己鐘意，而又肯為佢由地球去火星，但呢個人最後都冇選擇到自己，唔算幸福。

同樣吳彥祖又係搵到自己鐘意嘅人，但係呢個人係咪都一樣咁鐘意佢呢？唔知，所以雖然最後佢得到高圓圓，但係佢係咪幸福呢？又唔算喎。 如是者，其實都係冇人幸福。

失敗不是最大的敗筆

南華於亞協盃負泰國對手0:3，對擁南躉的我來說，確實冇任何值得開心的地方。

不過，讀過羅傑承的blog文，有一段話倒觸動了我的心，貼上如下：

「至於教練和球員，我希望你們不要信心動搖。我認為，男人大丈夫，設下了目標，就要奮勇直前，不管條路有幾長，有幾難走。失敗不是最大的敗筆，輕言放棄才是。」

確實，要防止失敗其實是很客易，只要你不去參與就不會失敗，但不失敗時你亦甚麼都做不到。愛迪生成功發明燈泡前，亦試過失敗過千次的實驗。如果他害怕失敗，就一定不會有發明1牙8成就。

要成功，便須先學習面對失敗。我一定會去學習！

愛

突然發現，中文字「愛」是有心在中間，但簡體字的「爱」就將中間的心抹去。是否中國人的愛是不需要用心的呢？

祝元宵節快樂！

傳奇照片

一張傳奇的照片，因為照片中的三人都是傳奇。

信鴿

郭富城的「信鴿」，許常德的詞，是我認為最能夠解釋及定義愛情的歌曲。

詞: 許常德 曲: 黃國倫 編: 屠穎

我打開窗戶 細細地閱讀
你親筆用心所寫下的情書
愛是漫漫長路 孤獨
樂與苦都不堪細數

如果這一生 只能用思念
繫住每一刻的魂縈和夢牽
就像信鴿一樣地飛翔
千山萬水不停飛 我敞開我心扉

喔 只有你能真的讀出我心中的苦
喔我心中的憂 喔我心中的喜 一點一滴

喔 而我只願對你傾訴生命的全部
像開了花的樹 站在你經過的路
只為你休息 愛就是付出

只為讓你休息 愛就是付出

每一個明天

結伴創將來　多麼的美
你的路　我的途　再也不分己與彼
有浪有風來　不捨不棄　每一明天也贈你

未懂占卦　也不懂命理
卻可先知我們　同步註定了不起
令我不普通　變得堅毅無忌
幕後有一個最大原因：因為你

每望向將來　都找到你
我所夢　我所期　全部喝彩因你起
你是我將來　不捨不棄　我的明天創自你

沒仰天觀星　看星宿日記
無問獅子雙魚　前面有沒有驚喜
一早知　幾多風吹與飛
活著也很快樂　自尋到你

天佑我的愛人　給她永遠笑聲　並常對她偏愛
天佑我的愛人　有她不再覺得生命無奈　敢愛

未懂占卦　也不懂命理
卻可先知我們　同步註定了不起
若我不普通　變得堅毅無忌
並沒秘方這是純因你

* 天佑我的愛人　這日　明天　一世　把她寵愛
天佑我的愛人　有她不再覺得生命無奈　敢愛 *

林震強的詞，簡單、清新。歌詞的意思明顯而不轉彎抹角，但又不覺得肉麻。

我相信，如果你對身邊的人的感覺就如歌詞一樣，恭喜你！

西德最新出品

有ｄ舖頭，你總係唔能夠了解佢憑甚麼竟能生存到宜家，包括相片中了那間位於油麻地台灣食品店，特別係你用現代行商的角度去考慮的話，舖租、人工、燈油火燭，點睇，都係計唔掂數。

相中嘅舖頭，仍然用上西德象皮糖這個字眼，其實西德已經跟東德統一了21年，一早就叫德國啦，都仲叫做西德？係張牌20年冇改，定係老闆唔知有德國呢回事？

一講到西德，我最有印象嘅，並唔係西德象皮糖，而係係「賭神」入面，發哥所講嘅「呢對液晶體顯影眼鏡，係西德上個月最新出品，價值11萬美金！」原來「賭神」呢套戲，都超過廿幾年啦。

Aston Villa 2:2 Man Utd

曼聯迫和阿士東維拉的比賽，就只有最後20分鐘的賽事較有看頭，曼聯落後兩球下最終追和，我對賽果就只有失望兩個字，不過有兩個疑問在心中，更令我悶鬱。

首先，從最後15分鐘的賽事來看，曼聯所製造的攻勢的確入肉，追和那兩球絕無本點幸運成份，不過問題就係呢度，點解要係落後下先識得發力，而唔早早積極一點？

第二，艾夫拿明顯不在狀態，跑起上來總有點就住就住之感，點解又唔換法比奧呢？布朗唔掂，艾夫拿又缺態，左右兩閘門戶大開，輸兩球真係算少。

最後，睇到比賽的末段，總覺得冇一個曼聯球員有能力及決心帶起隊波，費查有心但冇能力，維迪有血性，但都只是後衛一名，最後竟要史魔寧打前鋒，更顯得球隊的技窮。這，可能要等朗尼復出，先有答案。

如果曼聯未能在之後兩場主場賽事全取6分，今年聯賽都係算吧啦！

Man City 0:0 Man United

曼市打比0:0賽和，比賽緊張而不精彩，雙方埋門少，說真的，比賽看點真係唔多。

唯獨有一幕，拉菲爾同迪維斯短兵相接後，大家起身有「貼身」同言語上有衝突，本來無甚特別。不過喜見拉菲爾鬧完一大輪後，始終都係動口不動手，合法地嚇疾對手，起碼氣勢上已經贏得一仗。

看來，經過上次係歐冠對拜仁比逐出場後，拉菲爾係場上確係成熟不少。信我，今屆係拉菲爾上位嘅時候！