鄧肯愛華士與格連活

一個永遠無答案的問題：如果鄧肯愛華士唔係英年早逝，他可以有幾勁呢？他可以幫曼聯攞到幾多冠軍呢？

鄧肯愛華士，曼聯1950年代青訓產品的表表者，16歲開始代表曼聯對卡迪夫城，是當時英國頂級聯賽最年輕的出賽球員；18歲代表英格蘭國家隊，又係當時既紀錄；到1957年已經係金球獎第三名。他的天分，他的能力，隨着在1958年慕尼黑空難中離開人世，永遠為曼聯球迷帶來無限遐想。

我聽過三個故事，可以證明鄧肯愛華士有幾勁。

第一個故事：當年笠臣效力曼聯的時候，曾經問過當時的領隊艾堅遜：『老細，其實鄧肯愛華士有幾勁吖？』艾堅遜諗左一陣，然後輕描淡寫的回答：『有兩個你咁勁！』

第二個故事：據 Ben Thornley 既爸爸所講，係一場正式比賽裡面，鄧肯愛華士係禁區頂射門，個波中柱然後彈返出黎。你估彈到去邊度先落地？係彈到去中場!

第三個故事：卜比查爾頓爵士形容鄧肯愛華士：「他是唯一一個令我覺得自卑的球員。」

雖然我從來無睇過鄧肯愛華士踢波，但只係聽佢既故事就已經覺得佢係曼聯既傳奇。我宜家既希望，就放係格連活身上；一位同鄧肯愛華士一樣都係10月1日出生的年輕球員，希望鄧肯愛華士未能為曼聯做到的，格連活可以實現吧！

曼聯的友妻門

友妻門，即是搞你朋友老婆的事件。最出名既友妻門當然是車路士的泰利搞布烈治老婆的事件。但好不幸，曼聯也發生過友妻門事件。可能你會以為我想講傑斯，但傑斯係弟妻門，真正的友妻門主角係曼聯前教練杜察提 (Tommy Docherty)，也就是費格遜的前任的前任的前任。

杜察提系1972年12月擔任曼聯領隊，最大既功績就係帶領曼聯奪得1977年既英格蘭足總杯，當時係無人睇好既情況下打敗利物浦。但係之前既1974年，他卻帶曼聯降班，也是曼聯歷史上唯一降班的領隊。

根據 Martin Edwards 既自傳 《Red Glory》既記載，杜察提同球隊既物理治療師 Laurie Brown 既太太 Mary 搞埋一齊，杜察提為左同 Mrs Brown 有更多時間相處，仲特登調整 Laurie Brown 既返工時間，等佢地可以休會，以為可以將『世界陷進大騙局裡面，朋友亦難以發現。』

最後紙包唔住火，有報紙已經知道有關消息，準備大造文章。結果 Martin Edwards 為了 manage 呢件事對球隊既 risk，只好係1977 年7月以 misconduct 將佢炒魷。然後由戴夫昔士頓 (Dave Sexton) 取代佢既位置，而杜察提太太後來亦提出同佢離婚，帶住4個子女離開佢。

離婚後既杜察提同 Mary Brown 結婚，而自己亦去左打比郡繼續領隊生涯。

約基因何與費格遜決裂？

約基，曼聯三冠王的功臣之一，本來是費格遜力排眾議要收購的球員，但點解後來同費格遜約走越遠呢？

其中一個原因同私生活有關，因為佢同模特兒 Jordan 來往，生活漸變高調。這個只是伏線，而導火線是跟一次訓練有關。

話說2001年的一個星期一的早上，約基準備坐6:45 的飛機從愛爾蘭都柏林飛返曼徹斯特參加10點的訓練。不過飛機延誤只能係8:45 起飛，一到曼徹斯特機場，佢就即刻跳上的士去 Carrington，仲話比雙倍的士錢比個司機。

然後佢就打比負責球隊裝備既 Albert Morgan：「我係約基，我要遲少少先到，幫我準備好D波衫先！」

結果約基遲左5分鐘到達訓練場，佢就搵一夥樹後面換衫，然後當趁其他球員開始跑步到附近既時候就「鼠」入球員堆中，以為神不知鬼不覺。點知說時遲，佢就聽到費Sir 大嗌 “Yorkie, come here!” 

「除非你係真心獻身比球會，如果唔係呢度唔歡迎你，你走！唔駛參加訓練啦！」

雖然當時曼聯已經接近連續第三年攞到英超冠軍，但費格遜仍然以紀律為先，就算你係三冠王功臣都無情講。

舒利亞點解唔去曼聯？

1996 年夏天，舒利亞曾經無限接近加盟曼聯，但最後一刻佢選擇加盟紐卡素。最近佢透露了真正的原因。

1996的一天，舒利亞分別同費格遜和奇雲基謹見面。當佢同費格遜見面時提出一個要求：「我要主射12碼」。但當時費格遜回應：「但係我地已經有簡東拿啦。」

過幾日之後，奇雲基謹再打比舒利亞勸佢加盟，舒利亞最後決定返回老家，第二次拒絕加盟曼聯。

不過前曼聯主席 Martin Edwards 提供了另外一個原因。由於當時舒利亞效力布力般流浪，佢同布力般的主席 Jack Walker 情如父子。但 Jack Walker 一直唔鍾意曼聯，而舒利亞為左唔想令主席唔開心，所以就拒絕曼聯。

到底邊個先係真正的原因，只有舒利亞自己先知道。但一個重大的決定，可能係由好多小故事交錯編織而成。

#alexferguson #alanshearer #Newcastle #manchesterunited #manutd #martinedwards #費格遜 #奇雲基謹 #曼聯 #舒利亞 #紐卡素 #馬田愛華士

費格遜點簽舒米高？

舒米高，1991年以50萬5千轉會曼聯，被 Martin Edwards 喻為他管理下最好的收購。

當年費格遜是怎樣簽到舒米高的呢？在一個暑假，曼聯到西班牙集訓，剛好與丹麥球隊邦比共用同一間酒店和訓練設施。因此費格遜得以派他的龍門訓練員 Alan Hodgkinson 去近距離觀察舒米高。Alan 好快就匯報費 Sir，舒米高要適應英格蘭足球係完全無問題的。

曼聯曾經係1990年提出要求收購舒米高，但邦比的要價極高而未能成事。舒米高也因此深感失望，據他形容，那是他一生的一個低潮。後來有一日，他的經理人請舒米高到他的助理的家，竟發現費格遜在哪裡，原來費格遜當日早上坐飛機由曼徹斯特去哥本哈根，為的就是見舒米高一面，然後就坐飛機返曼徹斯特。

費格遜的一席話，令舒米高得以重新專注在訓練上，並知道曼聯和費格遜決心會得到自己。

後來曼聯知道舒米高和邦比的合同在1991年11月到期，所以曼聯就可以係8月，以50萬5千英鎊這個低價收購到這位丹麥門神，後來證明為曼聯史上一宗最佳收購。

借將施利

今年曼聯從上海申花借用既前鋒恩哈路好像好駛好用，上陣8場已經射入4球，而每次正選上陣總係無寶不落，場場正選就場場入球，睇黎今次蘇斯克查係借啱人了。唔知道今次 Ole 既神來之筆有無向費格遜偷師的呢？

講到費格遜借用球員，最容易令人想起的肯定係2007 年1月借到瑞典尖刀拿臣，雖然只係短短效力曼聯兩個月，但都貢獻左 3 個入球，並為當時21 22 歲的C郎同朗尼帶來寶貴的經驗促進兩位既成長，功勞不少。但有另一位帶來立竿見影的借將就係為費格遜贏得足總盃的門將，佢就係1991年的施利。

1991年英格蘭足總杯決賽對水晶宮，曼聯本來被睇高一線。但可惜門將禮頓一而再再而三犯錯令曼聯打到加時先辛苦迫和對手要重賽。費格遜痛定思痛，決定起用從盧頓借返黎既施利代替禮頓。

結果費格遜賭贏了。施利確實為曼聯防線帶來穩定性，而曼聯亦憑李.馬田一戰定江山奪冠而回。這個係費格遜為曼聯贏得既第一個冠軍，亦奠定了費格遜日後既江山。

#alexferguson #lessealey #jimleighton #leemartin #manchesterunited #crystalpalace #facup #費格遜 #施利 #禮頓 #李馬田 #英格蘭足總盃 #水晶宮

1986 哥倫比亞世界杯？

因為疫情既關係，2020年的歐洲國家杯要延期到2021年舉行。而世界杯歷史上，亦試過1942 同1946 年世界杯因為二次大戰而取消。除此以外，世界杯有無出現過臨時變卦既情況呢？

話說1986年的世界杯，係12年前既1974年就決定由哥倫比亞舉辦，亦係哥倫比亞既第一次。當時的哥倫比亞總統 Misael Pastrana Borrero 視之為自己治下政績之一。但在 Misael Pastrana Borrero 係1974年下台後，毒梟大行其道，綁架的新聞無日無之；加上球場建築追不上進度，結果哥倫比亞係1982年宣布放棄主辦世界杯。

後來呢次既主辦權就由美國同墨西哥爭奪。但因為當時美國足總同國際足協既惡劣關係（美國足球聯賽有自己既規則而唔跟國際足協的規則的），加上墨西哥球會亞美尼加主席Guillermo Cañedo 亦都係國際足協既副主席，結果投票時就全票通過由墨西哥主辦。而墨西哥亦成為第一個兩次舉辦世界杯既國家。但自此之後，哥倫比亞亦再無機會舉辦世界杯了。

我講呢件事同費格遜有無關係？  當然有啦! 因為呢屆世界杯係唯一一次費格遜參加既世界杯，無論係以球員或領隊的身分。當年佢以領導身分帶領蘇格蘭國家隊出戰。可惜對住同組對手西德，丹麥同烏拉圭，只可以取得1和2負的成績係小組賽出局。而賽後費格遜結束了自己短暫既蘇格蘭國家隊領隊生涯。

#alexferguson #scotland #westgermany #uruguay #Worldcup #columbia #mexico #費格遜 #世界杯 #蘇格蘭 #哥倫比亞 #西德 #丹麥 #烏拉圭

差點退休的費格遜

費格遜曾經係2002年提出要退休離開曼聯，後來回心轉意，再執教曼聯11年，攞多一次歐聯，一次世界冠軍球會杯，六次英超，一次足總杯，三次聯賽杯，到最後係 2013年先真正退休。

其實係球員年代，費格遜亦試過差不多要退休遠走高飛去加拿大。後來費格遜爸爸同佢講左一句話，

在1963年的冬天，剛剛傷癒復出的費格遜代表蘇格蘭球隊聖莊士東打左兩場比賽，分別輸左 0:10 同 2:11，大受打擊的費格遜唔想打作客班霸格拉斯哥流浪的比賽，結果就叫細佬既女朋友假扮自己媽媽打電話比教練 Bobby Brown，謊稱自己感冒。自己仲諗住去加拿大重新做藍領的工作。

後來呢件事比費格遜既爸爸知道左，就鬧到費格遜狗血淋頭，並叫佢親自打比教練道歉。教練當然知道佢既把戲，但正直用人之際，所以不計前嫌叫佢盡快歸隊出賽。

費SIR 打成點呢？我無睇過比賽片段，只知道費SIR入左3球，協助球隊第一次係對方主場打贏班霸 3:2，自己仲成為聖莊士東第一位係 Ibrox 上演帽子戲法既球員。

好彩費格遜既爸爸教訓了一下自己個仔，如果唔係，有無曼聯王朝都可能成疑問。

#alexferguson #stjohnstone #glassgowrangers #hattrick #bobbybrown #ibrox #曼聯 #費格遜 #格拉斯哥流浪 #聖莊士東 #帽子戲法 #波比布朗

費格遜與約基

約基在1998 夏天從阿士東維拉加盟曼聯，立刻係之後個球季射入29球成為球隊神射手，並協助曼聯取得三冠王呢個歷史性成就。

其實，費格遜早係1997年夏天就已經想簽約基，即使當時佢既副手傑特(Brian Kidd) 對呢個決定抱有懷疑，反建議收購 韋斯咸既 John Hartson。最後大家係無結論下收購就不了了之。但費格遜都係堅持己見，等左12個月先得到自己心頭好。

點解費格遜對約基會咁情有獨鍾呢？約基係自傳《Born To Score》裡面就講了一個故事。話說有一次費格遜同約基講：「我記得你九年前代表千里達 U19 對曼聯既一場比賽裡面射入3球啊！跟住我就一直留意觀察你既發展啦！」

一個殿堂級既教練係自己未滿二十歲就已經留意自己！我諗約基當時一定好似張曼玉一樣『好驚喜，好意外！』 

費格遜的記性，除左令約基好驚喜同佩服之外，亦幫助曼聯簽左一個三冠王的功臣。

#dwightyorke #alexferguson #manchesterunited #briankidd #hattrack #astonvilla #borntoscore #johnhartson #約基 #費格遜 #曼聯 #阿士東維拉 #傑特 #赫臣 #天生就會射

朴智星 Park Ji-sung

朴智星，一個勤奮而低調的球員，印象中都是他在球場上為韓國隊和曼聯在場上拼搏的畫面。因此當你讀他的自傳的時候，你會 expect 甚麼呢？成長故事？私生活？

見書如見其人，書中並沒有自吹自擂的部分，很少提及自己成功的部分，相反，本書的開始，朴智星選擇以 “接受失敗的洗禮” 作為第一章。作為一個失敗專家，這一章是全書我最喜愛的部分，亦增加了我對朴智星的喜愛和尊重。

文章一開始，朴智星先列出自己面對過的失敗，包括初到荷蘭踢燕豪芬時遭到球迷的喝倒彩，以及經過三次大手術後重新康復的經歷，不過對朴智星來說，最大的失敗，是2008年歐聯決賽，原本一直以主力身分協助球隊的他，竟然落選最後18人的出賽名單。雖然費格遜和隊友不停安慰他，但當時的朴智星哪裏聽得進。他的失落，除了是自己的失望外，還包括了對父親，對遠道而來的韓國球迷，對恩師希丁克的自責，以為這是個向大家證明自己的場合，而結果變成對大家的期望的落空。最後只能穿著西裝看著隊友舉起歐聯冠軍杯。

面對這個打擊，有人會選擇離開，好像同樣落選的碧基選擇離開曼聯返回巴塞羅那；但朴智星卻選擇留下來，他處理自己的失敗，首先是要安慰自己，每一次考驗過去都要吸取自我肯定的力量，這一次也不例外；然後，如果不想重蹈覆轍，就要做出積極的改變，從現在開始，與過去的自己告別。並對自己講，一定要重返歐聯決賽的賽場上！

結果一年後，朴智星協助曼聯再次打入歐冠決賽，並且以正選身分上陣，雖然這次輸給了巴塞羅那，但朴智星總算實碊了自己的諾言。