曼聯迫和阿士東維拉的比賽，就只有最後20分鐘的賽事較有看頭，曼聯落後兩球下最終追和，我對賽果就只有失望兩個字，不過有兩個疑問在心中，更令我悶鬱。首先，從最後15分鐘的賽事來看，曼聯所製造的攻勢的確入肉，追和那兩球絕無本點幸運成份，不過問題就係呢度，點解要係落後下先識得發力，而唔早早積極一點？
第二，艾夫拿明顯不在狀態，跑起上來總有點就住就住之感，點解又唔換法比奧呢？布朗唔掂，艾夫拿又缺態，左右兩閘門戶大開，輸兩球真係算少。
最後，睇到比賽的末段，總覺得冇一個曼聯球員有能力及決心帶起隊波，費查有心但冇能力，維迪有血性，但都只是後衛一名，最後竟要史魔寧打前鋒，更顯得球隊的技窮。這，可能要等朗尼復出，先有答案。
如果曼聯未能在之後兩場主場賽事全取6分，今年聯賽都係算吧啦！
沒有留言:
張貼留言